ҚБТУ-да өнеркәсіптік меншік мәселелері бойынша дәріс
22-04-2024
2024 жылдың 15 сәуірі Компанияның басқарушы серіктесі Болотов Ю.А. Қазақстан-Британ техникалық университетінің (ҚБТУ) магистранттары мен докторанттарына қонақтық дәріс оқыды. Презентация тауар таңбаларын, авторлық және сабақтас құқықтарды, патенттелетін объектілерді және өнеркәсіптік меншікті пайдалану құқығын беру туралы келісімдерді қорғау мәселелеріне арналды.
Бұл дәріс біздің компанияның зияткерлің меншік саласын халық арасында танымал етуге бағытталған саясатының бір бөлігі ретінде өткізілді. Жыл сайын «Болотов және Серіктестер» әртүрлі жас топтары үшін қонақтарға кіріспе дәрістер оқиды. Мысалы, өткен жылдары балабақшалар мен мектептерде, сондай-ақ Қазақстанның әртүрлі жоғары оқу орындарының студенттеріне дәрістер оқылды. Биыл зияткерлік меншік туралы білім алуға дайын адамдар ретінде магистранттар мен докторанттарға назар аудару туралы шешім қабылданды.
Біз ҚБТУ-ды кездейсоқ таңдамағанымызды еске саламыз. Бұл университет еліміздегі жоғары білікті техникалық мамандар дайындайтын жетекші жоғары оқу орындарының бірі болып табылады. Онда белсенді студент алмасу бағдарламасы және бірнеше халықаралық оқу бағдарламалары бар. Біз ҚБТУ-мен ынтымақтасуға мүдделіміз, өйткені техникалық кадрларды дайындау үкімет пен шағын және орта бизнестің басым бағыттарының бірі болып табылады.
