Болотов және Серіктестер Орталық Азия елдері мен Қытай арасындағы ынтымақтастыққа арналған Астанадағы зияткерлік меншік конференциясында
24-06-2025
Өткен аптада компаниямыздың Серіктесі Жанат Нұрмағамбетов «Зияткерлік меншік: бизнесті қолдау және патенттік қызметтердің сапасын арттыру» атты маңызды конференцияға қатысты. Іс-шара Орталық Азия елдері мен Қытайдың патенттік ведомстволарының басшылары арасындағы ЗМ саласындағы ынтымақтастықты нығайту жөніндегі 2023 жылғы келісімді жүзеге асырудағы маңызды қадам болды. Қазақстан Республикасы Әділет министрлігінің Зияткерлік меншік құқығы комитеті мен Ұлттық зияткерлік меншік институты ұйымдастырған конференцияға мемлекеттік органдардың, бизнес өкілдерінің, ғалымдардың, патенттік сенім білдірілген өкілдердің, сондай-ақ Орталық Азия елдері мен Қытайдың патенттік ведомстволарының басшылары ЗМ пайдаланудың практикалық аспектілерін талқылау үшін жиналды. Кәсіпкерлікті қолдауға, шағын және орта бизнесті дамытуға, сондай-ақ инновациялық дамуды ынталандыруға және ЗМ құқығын қорғауға ерекше көңіл бөлінді.
«Бизнес зияткерлік меншікті қалай пайдалана алады: идеядан коммерцияландыруға дейін» сессиясы аясында Жанат Нұрмағамбетов «Тауар таңбасын бұзу жағдайында бизнесті қорғау» тақырыбында баяндама жасады. Жанат шағын және орта бизнес үшін тауар таңбалары құқықтарын қорғаудың маңыздылығы, сондай-ақ құқықтарды қорғаудағы типтік кедергілерді еңсеру жолдары туралы сараптамалық пікірімен бөлісті.
Конференцияға қатысу біздің фирманың Қазақстандағы зияткерлік меншік жүйесін дамыту мен нығайтуға деген ұмтылысын көрсетеді.
